Edda

Denne utgåva samlar Den eldre Edda og Den yngre Edda i eitt band. I Den eldre Edda, skildra som opphavet til norsk dikting, blir dei norrøne gudane og heltane framstilte i knappe og gåtefulle vers. Her finn ein kjende gudekvad som Håvamål, Voluspå og Trymskvida, medan kjempekvada fortel om Nivlungane og Sigurd Fåvnesbane.

I Den yngre Edda, skriven kring 1220, presenterer Snorre mange av dei same mytiske figurane og hendingane i prosaform. Verket var opphavleg ei lærebok i diktekunst, men er òg ei innføring i norrøn mytologi. Snorre skreiv i ei tid då kristendommen hadde gjort sitt inntog, men fordi gudeverda var så knytt til diktekunsten, gjorde han mytar og namn som Odin, Tor, Loke, Valhall og Ragnarok levande for ettertida.

Utgåva har innleiingar av Per Tylden og Hallvard Magerøy og forord av Jan Kjærstad. Omsetjingane til nynorsk er ved Ivar Mortensson-Egnund og Erik Eggen.