Berre kjærleik og død

Tor Jonsson tok sitt eige liv i 1951, knapt 35 år gammal. I dikta hans står livslyst mot dødslengt, draum mot røynd og eld mot kulde. Som journalist gjekk han til kvasse åtak på urett og undertrykking, og retta ofte skytset mot idyllisering av bygdesamfunnet. Mellom dei etterlatne dikta hans fann ein teksten med sluttlinja «Eg åtte ikkje kjærleik».

Denne biografien av Ingar Sletten Kolloen knyter spenningane i Jonssons dikt og artiklar saman med hans eige liv og lagnad, og skildrar ein motsetningsfull personlegdom gjennom ei framstilling med element frå kjærleiks- og kriminalromanen.

Boka byggjer på mange års forsking, nylesing og kjeldegransking, i tillegg til ukjende brev og samtalar med nærare to hundre informantar.